មុននេះបន្ដិច កំពូលតារាបាល់ទាត់ដ៏ឆ្នើមរបស់ពិភពលោក Cristiano Ronaldo កីឡាករ Manchester United បានចេញមុខទម្លាយថា កូនប្រុសភ្លោះស្លាប់ក្រោយសម្រាល មានតែកូនស្រីម្នាក់ប៉ុណ្ណោះដែលនៅរស់។ ដែលនេះជាទុក្ខដ៏ក្រៀមក្រំបំផុតរបស់ក្រុមគ្រួសាររបស់លោក ដែលពិតជាមិនអាចទទួលយកបាននោះឡើយ នឹងនឹកស្មានមិនដល់។

កាលពីថ្ងៃទី 19 ខែមេសា ឆ្នាំ 2022 កីឡាករ Cristiano Ronaldo កីឡាករជម្រើសជាតិព័រទុយហ្គាល់មកពីក្លឹប Manchester United បានបញ្ចេញរឿងដ៏សោកសៅមួយ បន្ទាប់ពីប្រពន្ធរបស់គាត់សម្រាលបានកូនភ្លោះ និងបាត់បង់កូនភ្លោះប្រុស នៅសល់តែកូនភ្លោះស្រី។

Ronaldo បានសរសេរថា "យើងសោកស្តាយយ៉ាងខ្លាំងដែលបានជូនដំណឹងដល់អ្នកថាកូនភ្លោះដែលទើបនឹងកើតរបស់យើងបានស្លាប់។ នេះគឺជាការឈឺចាប់ដ៏ក្រៀមក្រំបំផុតដែលឪពុកម្តាយអាចមានអារម្មណ៍ក្រៀមក្រំ។ ហើយការកើតកូនភ្លោះដោយសុវត្ថិភាព គឺជារឿងតែមួយគត់ដែលបន្ថែមថាមពលនិងបំពេញយើងដោយក្តីសង្ឃឹមជាមួយនិងការបង្កើតសុភមង្គលក្នុងអំឡុងពេលនេះ។

 យើងសូមថ្លែងអំណរគុណចំពោះគ្រូពេទ្យ និងគិលានុបដ្ឋាយិកាទាំងអស់សម្រាប់ការគាំទ្រ និងលើកទឹកចិត្ត។ យើងទាំងអស់គ្នារងទុក្ខយ៉ាងខ្លាំងជាមួយនឹងការបាត់បង់នេះ។ ហើយយើងក៏សូមឱ្យអ្នកផ្តល់ភាពឯកជនដល់ពួកយើងក្នុងគ្រាដ៏លំបាកនេះ។ យើង​នឹង​ស្រឡាញ់​អ្នក​ជា​រៀង​រហូតកូនសម្លាញ់»។